ಮರವಂತೆಗೆ ಬಂದರು ಅಧಿಕಾರಿ ಭೇಟಿ

ಕುಂದಾಪುರ: ರಾಜ್ಯ ಲೋಕೋಪಯೋಗಿ ಇಲಾಖೆಯ ಬಂದರು ವಿಭಾಗದ ಪ್ರಧಾನ ಕಾರ್ಯದರ್ಶಿ ಎಂ.ಆರ್‌. ಕಾಂಬ್ಳಿ ಅವರು ಮಂಗಳವಾರ ಮರವಂತೆಗೆ ಭೇಟಿ ನೀಡಿದ್ದು, ಮರವಂತೆಯಲ್ಲಿ ನಿರ್ಮಾಣವಾಗುತ್ತಿರುವ ರಾಜ್ಯದ ಮೊದಲ ಮೀನುಗಾರಿಕಾ ಹೊರಬಂದರು ಕಾಮಗಾರಿಯ ಪ್ರಗತಿ ಪರಿಶೀಲನೆ ನಡೆಸಿದರು.
    ಇಲಾಖೆಯ ಅಪರ ಕಾರ್ಯದರ್ಶಿ ಬಿ.ಬಿ. ಬುರ್ಜಿ ಮತ್ತು ಬಂದರು ನಿರ್ದೇಶಕ ಕ್ಯಾ| ಆರ್‌. ಮೋಹನ್‌ ಜತೆಗಿದ್ದರು. ಕಾರ್ಯನಿರ್ವಾಹಕ ಎಂಜಿನಿಯರ್‌ ಟಿ.ಎಸ್‌. ರಾಥೋಡ್‌ ಮತ್ತು ಸಹಾಯಕ ಕಾರ್ಯನಿರ್ವಾಹಕ ಎಂಜಿನಿಯರ್‌ ನಾಗರಾಜ್‌ ಅವರಿಗೆ ಕಾಮಗಾರಿಯ ಪ್ರಗತಿಯ ಮಾಹಿತಿ ನೀಡಿದರು.
    ಮಳೆಗಾಲದ ಕಾರಣ ಸ್ಥಗಿತಗೊಂಡಿದ್ದ ಕಾಮಗಾರಿಗೆ ಈಗ ಮರುಚಾಲನೆ ದೊರೆತಿದೆ. ಅಲೆಗಳ ಹೊಡೆತಕ್ಕೆ ಸಿಲುಕಿ ಕುಸಿದ ನಿರ್ಮಾಣ ಹಂತದಲ್ಲಿದ್ದ ತಡೆಗೋಡೆಗಳ ಕಲ್ಲುಗಳನ್ನು ಮರುಸ್ಥಾಪಿಸುವ ಕೆಲಸದ ಜತೆಗೆ ಕಾಂಕ್ರೀಟ್‌ ಟೆಟ್ರಾಪಾಡ್‌ಗಳನ್ನು ಸಿದ್ಧಗೊಳಿಸಿ ತಡೆಗೋಡೆಯ ಇಕ್ಕಡೆಯಲ್ಲಿ ಹೊಂದಿಸುವ ಕಾರ್ಯ ಈಗ ಆರಂಭವಾಗಿದೆ. ಇದನ್ನು ವೀಕ್ಷಿಸಿದ ಕಾಂಬ್ಳಿ ಅವರು ಗುತ್ತಿಗೆ ಸಂಸ್ಥೆ ತಮಿಳುನಾಡಿನ ಎನ್‌ಎಸ್‌ಕೆ ಬಿಲ್ಡರ್ನ ಪಾಲುದಾರ ಕಲೈರಾಜ್‌ ಮತ್ತು ಸ್ಥಾನೀಯ ಎಂಜಿನಿಯರ್‌ ಶ್ರೀವತ್ಸ ಅವರಿಗೆ ಮುಂದಿನ ಕಾಮಗಾರಿಯ ಕುರಿತು ಮಾರ್ಗದರ್ಶನ ನೀಡಿದರು
   ಗುತ್ತಿಗೆ ಸಂಸ್ಥೆಯ ಸಲಹೆಗಾರರಾಗಿರುವ ತಮಿಳುನಾಡಿನ ಮಾಜಿ ಲೋಕೋಪಯೋಗಿ ಸಚಿವ, ಹಾಗೂ ಎಂಜಿನಿಯರ್‌ ಎನ್‌. ಸೆಲ್ವರಾಜ್‌, ಸ್ಥಳೀಯ ಮೀನುಗಾರರ ಕ್ರಿಯಾ ಸಮಿತಿಯ ಸದಸ್ಯ ಚಂದ್ರಗುಪ್ತ ಖಾರ್ವಿ, ಸಲಹೆಗಾರ ಎಸ್‌. ಜನಾರ್ದನ ಉಪಸ್ಥಿತರಿದ್ದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com