ಬಿಜಾಡಿ ಮೀನುಗಾರರ ಸಹಕಾರಿ ಸಂಘದ ವಾರ್ಷಿಕ ಮಹಾಸಭೆ

ಕುಂದಾಪುರ: ಕಳೆದ 6 ತಿಂಗಳ ಅವಧಿಯಲ್ಲಿ ಸರಕಾರದ ವಿವಿಧ ನೆರವು ಯೋಜನೆಯೊಂದಿಗೆ ಸಂಘವು ಮೀನುಗಾರರಿಗೆ 20 ಕೋಟಿ ರೂ.ಗೂ ಹೆಚ್ಚು ನೆರವು ವಿತರಿಸಿದೆ ಎಂದು ಬೀಜಾಡಿ ಮೀನುಗಾರರ ಸಹಕಾರಿ ಸಂಘದ ಅಧ್ಯಕ್ಷ ಪ್ರಕಾಶ್ ಪೂಜಾರಿ ತಿಳಿಸಿದರು. ಶನಿವಾರ ಜರುಗಿದ ಸಂಘದ ವಾರ್ಷಿಕ ಮಹಾಸಭೆಯ ಅಧ್ಯಕ್ಷತೆ ವಹಿಸಿದ್ದ ಅವರು ಮಾತನಾಡಿದರು. 
     ಸಂಘವು 2013- 14ರ ವರದಿ ವರ್ಷದಲ್ಲಿ 25 ಕೋಟಿಗೂ ಹೆಚ್ಚು ವ್ಯವಹಾರ ನಡೆಸಿದ್ದು 5 ಕೋಟಿ ರೂ. ಠೇವಣಿ ಸಂಗ್ರಹಿಸಿದೆ. 11.46 ಲಕ್ಷ ರೂ. ನಿವ್ವಳ ಲಾಭ ಗಳಿಸಿದೆ. ಸಂಘದ ಸದಸ್ಯರಿಗೆ ಶೇ.16 ಡಿವಿಡೆಂಡ್ ಘೋಷಿಸಲಾಗಿದೆ. ಸಂಘವು ವಡೇರ ಹೋಬಳಿಯಲ್ಲಿ ಶಾಖೆ ಹೊಂದಿದ್ದು ಮುಂದಿನ ದಿನಗಳಲ್ಲಿ ಇನ್ನೂ ಹೆಚ್ಚಿನ ಶಾಖೆ ತೆರೆಯಲು ಚಿಂತನೆ ನಡೆಸಿದೆ ಎಂದು ತಿಳಿಸಿದರು. 
     ಹೊಸದಾಗಿ ಸಂಘವು ಅಡಮಾನ ಸಾಲ ವಿತರಿಸಲು ಮುಂದಾಗಿದ್ದು ಶೇ. 2ರ ಬಡ್ಡಿದರದಲ್ಲಿ ಮೀನುಗಾರ ಮಹಿಳೆಯರಿಗೆ ಸಾಲ ವಿತರಿಸಲಾಗುತ್ತಿದೆ. ಮೀನುಗಾರ ಉಳಿತಾಯ ಯೋಜನೆಗೆ ಅತ್ಯಧಿಕ ಪ್ರೋತ್ಸಾಹ ನೀಡಲಾಗುತ್ತಿದೆ ಎಂದರು. ಇದೇ ಸಂದರ್ಭದಲ್ಲಿ ಸಂಘ ವ್ಯಾಪ್ತಿಯ ಶಾಲೆಗಳ 7ನೇ ತರಗತಿ ಮತ್ತು ಎಸ್‌ಎಸ್‌ಎಲ್‌ಸಿ ಪರೀಕ್ಷೆಯಲ್ಲಿ ಅತಿ ಹೆಚ್ಚು ಅಂಕ ಗಳಿಸಿದ ವಿದ್ಯಾರ್ಥಿಗಳನ್ನು ಗುರುತಿಸಿ ಸನ್ಮಾನಿಸಲಾಯಿತು. ಸಂಘದ ಉಪಾಧ್ಯಕ್ಷ ರಮೇಶ್ ಸುವರ್ಣ ಗೋಪಾಡಿ, ನಿರ್ದೇಶಕರಾದ ರತ್ನ ಮೋಗೇರ್ತಿ, ಬಿ.ಶೇಖರ ಚಾತ್ರಬೆಟ್ಟು, ಗಣಪತಿ ಟಿ ಶ್ರೀಯಾನ್, ದಿನೇಶ್ ಮೆಂಡನ್ ಗೋಪಾಡಿ, ರಾಜು ಕೊರವಡಿ, ಶೇಖರ ಕಾಂಚನ್ ಕೊಮೆ, ಜಾನಕಿ ಬಿಲ್ಲವ, ನರಸಿಂಹ ನಾಯ್ಕ್, ದೇವೇಂದ್ರ ಬೀಜಾಡಿ, ಸಹ ನಿರ್ದೇಶಕರಾದ ಶ್ರೀನಿವಾಸ ಕುಂದರ್ ಗೋಪಾಡಿ, ಬಿ.ಮಂಜುನಾಥ ಕುಂದರ್ ಚಾತ್ರಬೆಟ್ಟು ಬೀಜಾಡಿ ಉಪಸ್ಥಿತರಿದ್ದರು. ಸಂಘದ ಕಾರ್ಯದರ್ಶಿ ರಮೇಶ್ ಕೆ.ಕಾರ್ಯಕ್ರಮ ನಿರ್ವಹಿಸಿದರು. ಸಿಬ್ಬಂದಿ ಗಣೇಶ್ ವಂದಿಸಿದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com