ಡಿಸಿಸಿ ಬ್ಯಾಂಕ್ 84ನೇ ಶಾಖೆ ಉದ್ಘಾಟನೆ

ಕುಂದಾಪುರ: ಶತಮಾನೋತ್ಸವ ಸಂಭ್ರಮದಲ್ಲಿರುವ ಡಿಸಿಸಿ ಬ್ಯಾಂಕ್ ದೇಶದ ನಂ.1 ಸಹಕಾರಿ ಬ್ಯಾಂಕ್ ಆಗಿದೆ. ಗ್ರಾಹಕರಿಗೆ ಅತ್ಯಂತ ಸುಲಭ ಸೇವೆ ನೀಡುವ ದಷ್ಟಿಯಿಂದ ಅತ್ಯಾಧುನಿಕ ತಂತ್ರಜ್ಞಾನ ಅಳವಡಿಸಲಾಗುವುದು. ಶೀಘ್ರದಲ್ಲೇ ಮೊಬೈಲ್, ಇಂಟರ್‌ನೆಟ್ ಬ್ಯಾಂಕಿಂಗ್ ವ್ಯವಸ್ಥೆ ಜಾರಿಗೆ ತರಲಾಗುವುದು ಎಂದು ದಕ್ಷಿಣ ಕನ್ನಡ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕಿನ ಅಧ್ಯಕ್ಷ ಡಾ.ಎಂ.ಎನ್.ರಾಜೇಂದ್ರಕುಮಾರ್ ಹೇಳಿದರು. 

ನೇರಳಕಟ್ಟೆ ಶ್ರೀಜಲ ಟವರ್ಸ್‌ನಲ್ಲಿ ದಕ್ಷಿಣ ಕನ್ನಡ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕಿನ 84ನೇ ಶಾಖೆಯ ಉದ್ಘಾಟನಾ ಸಮಾರಂಭದ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು. 

ಜಿಲ್ಲೆಯ ಸಾಮಾನ್ಯ ರೈತರು ಸಹ ಪ್ರಗತಿಪಥದತ್ತ ಸಾಗಬೇಕು. ರೈತರ ಸ್ವಾವಲಂಬಿತನಕ್ಕಾಗಿ ಕಿಶಾನ್ ಕಾರ್ಡ್ ಯೋಜನೆ ಜಾರಿಗೆ ತಂದಿದ್ದೇವೆ. ಕಳೆದ 19 ವರ್ಷಗಳಿಂದ ಶೇ.100 ಕಷಿ ಸಾಲ ವಸೂಲಿ ಮಾಡಿದ ಸಾಧನೆ ಬ್ಯಾಂಕಿನದ್ದು. ಇದು ನಮ್ಮ ಜಿಲ್ಲೆಯ ರೈತರ ಪ್ರಾಮಾಣಿಕತೆಗೆ ಸಾಕ್ಷಿಯಾಗಿದೆ ಎಂದವರು ನುಡಿದರು. 

ಬೈಂದೂರು ಶಾಸಕ ಕೆ.ಗೋಪಾಲ ಪೂಜಾರಿ ಡಿಸಿಸಿ ಬ್ಯಾಂಕ್ ನೇರಳಕಟ್ಟೆ ಶಾಖೆ ಉದ್ಘಾಟಿಸಿ ಮಾತನಾಡಿ, ಸಹಕಾರ ಕ್ಷೇತ್ರದ ಮೂಲಕ ಜನರ ಅಭ್ಯುದಯಕ್ಕೆ ಕೈಜೋಡಿಸಿದ ಮಹನೀಯರ ಪೈಕಿ ರಾಜೇಂದ್ರಕುಮಾರ್ ಕೂಡ ಒಬ್ಬರು ಎಂದರು. 

ಕರ್ಕುಂಜೆ ವ್ಯವಸಾಯಿಕ ಸಹಕಾರಿ ಸಂಘ ಅಧ್ಯಕ್ಷ ಕೆ.ಸುಧಾಕರ ಶೆಟ್ಟಿ ಬಾಂಡ್ಯ ಗಣಕೀಕರಣ ಉದ್ಘಾಟಿಸಿದರು. ಇದೇ ಸಂದರ್ಭದಲ್ಲಿ ಗ್ರಾಹಕರಿಗೆ ಸಂಚಯ ಖಾತೆ, ಪ್ರಥಮ ಠೇವಣಿ ಪತ್ರ, ವಾಹನ ಸಾಲ, ಆಪ್ತಸಾಲ, ಲಾಕರ್ ಕೀ ವಿತರಿಸಲಾಯಿತು. ನೂತನ ನವೋದಯ ಸ್ವಸಹಾಯ ಗುಂಪುಗಳಿಗೆ ದಾಖಲಾತಿ ಪುಸ್ತಕ ಹಸ್ತಾಂತರಿಸಲಾಯಿತು. ಸಂಚಯ ಖಾತೆ ಮತ್ತು ನಿರಖು ಠೇವಣಿ ಇರಿಸಿದವರಿಗೆ ಏರ್ಪಡಿಸಿದ್ದ ಅದಷ್ಟ ಬಹುಮಾನ ಯೋಜನೆಯ ವಿಜೇತರಾದವರಿಗೆ ಅನುಕ್ರಮವಾಗಿ 4 ಮತ್ತು 2ಗ್ರಾಂ ಚಿನ್ನ ವಿತರಿಸಲಾಯಿತು. ಡಿಸಿಸಿ ಬ್ಯಾಂಕ್ ನೇರಳಕಟ್ಟೆ ಶಾಖಾಧಿಕಾರಿ ರವಿ ನಾಯ್ಕ್ ಹಾಗೂ ಕಟ್ಟಡ ಮಾಲೀಕ ಜಯಸೂರ್ಯ ಪೂಜಾರಿ ಅವರನ್ನು ಸನ್ಮಾನಿಸಲಾಯಿತು. ನವೋದಯ ಮೇಲ್ವಿಚಾರಕರು, ಪ್ರೇರಕರನ್ನು ಗೌರವಿಸಲಾಯಿತು. 

ಜಿ.ಪಂ.ಸದಸ್ಯೆ ಇಂದಿರಾ ಶೆಟ್ಟಿ, ತಾ.ಪಂ.ಸದಸ್ಯೆ ಶಶಿಕಲಾ ಪೂಜಾರಿ, ಕಟ್ಟಡ ಮಾಲೀಕ ಜಯಸೂರ್ಯ ಪೂಜಾರಿ, ಹಿರಿಯ ಸಹಕಾರಿಗಳಾದ ನೈಲಾಡಿ ಶಿವರಾಮ ಶೆಟ್ಟಿ, ವಾಸುದೇವ ಯಡಿಯಾಳ, ಡಿಸಿಸಿ ಬ್ಯಾಂಕ್ ನಿರ್ದೇಶಕರಾದ ಹರ್ಕೂರು ಮಂಜಯ್ಯ ಶೆಟ್ಟಿ, ಬಿ.ರಘುರಾಮ ಶೆಟ್ಟಿ, ಶಶಿಕುಮಾರ್ ರೈ, ಬಸ್ರೂರು ವ್ಯವಸಾಯ ಸೇವಾ ಸಹಕಾರಿ ಸಂಘದ ಅಧ್ಯಕ್ಷ ಬಿ.ಗೋಪಾಲ ಪೂಜಾರಿ, ಕಾವ್ರಾಡಿ ವ್ಯವಸಾಯ ಸೇವಾ ಸಹಕಾರಿ ಸಂಘದ ಅಧ್ಯಕ್ಷ ಸೀತಾರಾಮ ಶೆಟ್ಟಿ ಉಪಸ್ಥಿತರಿದ್ದರು. ನಿರ್ದೇಶಕ ಎಸ್.ರಾಜು ಪೂಜಾರಿ ಸ್ವಾಗತಿಸಿದರು. ಪತ್ರಕರ್ತ ಸುಬ್ರಹ್ಮಣ್ಯ ಪಡುಕೋಣೆ ಕಾರ್ಯಕ್ರಮ ನಿರ್ವಹಿಸಿದರು.ಡಿಸಿಸಿ ಬ್ಯಾಂಕ್ ವ್ಯವಸ್ಥಾಪನಾ ನಿರ್ದೇಶಕ ಎಂ.ಗೋಪಾಲಕಷ್ಣ ಭಟ್ ವಂದಿಸಿದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com