ಗಂಗೊಳ್ಳಿ ಅಳಿವೆಗೆ ತುರ್ತು ಸ್ಪೀಡ್ ಬೋಟ್: ಶಾಸಕ ಪೂಜಾರಿ

ಗಂಗೊಳ್ಳಿ: ಅಳಿವೆಯಲ್ಲಿ ಒಂದು ವಾರದಲ್ಲಿ ಮೂರು ದೋಣಿ ಅವಘಡ ಸಂಭವಿಸಿರುವ ಹಿನ್ನೆಲೆಯಲ್ಲಿ ಮೀನುಗಾರರ ರಕ್ಷಣೆ ಉದ್ದೇಶಕ್ಕಾಗಿ ಅಗತ್ಯದ ಸಾಧನವಾಗಿ ಸ್ಪೀಡ್ ಬೋಟ್ ವ್ಯವಸ್ಥೆ ಕಲ್ಪಿಸಲಾಗುವುದು ಎಂದು ಬೈಂದೂರು ಶಾಸಕ ಕೆ.ಗೋಪಾಲ ಪೂಜಾರಿ ತಿಳಿಸಿದ್ದಾರೆ. 

ಸೋಮವಾರ ಗಂಗೊಳ್ಳಿ ಅಳಿವೆ ಪ್ರದೇಶಕ್ಕೆ ಭೇಟಿ ನೀಡಿದ ಅವರು ಸುದ್ದಿಗಾರರೊಂದಿಗೆ ಮಾತನಾಡಿದರು. ಗಂಗೊಳ್ಳಿ ಅಳಿವೆಯ ಸಮಸ್ಯೆ ಬಗ್ಗೆ ಜಿಲ್ಲಾ ಉಸ್ತುವಾರಿ ಸಚಿವರು, ಬಂದರು ಸಚಿವರೊಂದಿಗೆ ಸಮಾಲೋಚನಾ ನಡೆಸಿದ್ದೇನೆ. ಹೂಳಿನ ಸಮಸ್ಯೆ ಇದ್ದಲ್ಲಿ ತಕ್ಷಣ ಹೂಳೆತ್ತುವ ಕೆಲಸ ಕೈಗೊಳ್ಳುವಂತೆ ಮನವಿ ಸಲ್ಲಿಸಿದ್ದೇನೆ ಎಂದರು. 

ಗಂಗೊಳ್ಳಿಯಲ್ಲಿ ಬ್ರೇಕ್‌ವಾಟರ್ ನಿರ್ಮಾಣ ಕಾಮಗಾರಿಗೆ ಶೀಘ್ರದಲ್ಲಿಯೇ ಚಾಲನೆ ದೊರೆಯಲಿದೆ. ಕೇಂದ್ರ ಸರಕಾರ 102 ಕೋಟಿ ರೂಪಾಯಿ ಯೋಜನೆಗೆ ಅಧಿಕತ ಮಂಜೂರಾತಿ ನೀಡಿದೆ. ರಾಜ್ಯ ಸರಕಾರ ತನ್ನ ಪಾಲು ಶೇ.25ರಷ್ಟು ಬಿಡುಗಡೆಗೊಳಿಸಿದೆ. ಮುಂದಿನ ಒಂದು ವಾರದೊಳಗೆ ಟೆಂಡರ್ ಪ್ರಕ್ರಿಯೆಗೆ ಚಾಲನೆ ದೊರಕಲಿದೆ. ಮುಖ್ಯಮಂತ್ರಿ ಸಿದ್ಧರಾಮಯ್ಯ, ಬಂದರು ಸಚಿವ ಚಿಂಚನಸೂರ್ ಗುದ್ದಲಿಪೂಜೆ ನೆರವೇರಿಸುವರು ಎಂದು ಅವರು ತಿಳಿಸಿದರು. 

ಗಂಗೊಳ್ಳಿ ಪಟ್ಟಣ ಪಂಚಾಯಿತಿ ರಚಿಸಬೇಕೆಂಬ ಬೇಡಿಕೆ ಪರಿಶೀಲಿಸಲಾಗುವುದು ಎಂದರು. ಎಸಿ ಯೋಗೇಶ್ವರ, ಜಿ.ಪಂ.ಮಾಜಿ ಉಪಾಧ್ಯಕ್ಷ ರಾಜು ದೇವಾಡಿಗ, ಗ್ರಾಪಂ ಸದಸ್ಯ ದುರ್ಗಾರಾಜ್ ಪೂಜಾರಿ, ಮೀನುಗಾರಿಕಾ ಮುಖಂಡರಾದ ಮಂಜು ಬಿಲ್ಲವ, ಶೇಖರ ಚಾತ್ರಬೆಟ್ಟು, ನಾಗ ಖಾರ್ವಿ, ಸುರೇಂದ್ರ ಖಾರ್ವಿ, ಕಷ್ಣದೇವ ಕಾರಂತ, ಕಷ್ಣ ಕೋಟಾನ್, ಶಿವಪ್ಪ ಖಾರ್ವಿ, ಜಯ ಖಾರ್ವಿ, ಸರೋಜ ಖಾರ್ವಿ, ಸುರೇಖಾ ಎನ್.ಕಾನೋಜಿ, ಸುರೇಶ ಬಂಗೇರ, ನಾಗಪ್ಪಯ್ಯ ಪಠೇಲ್, ಚೌಕಿ ವಿಠಲ ಖಾರ್ವಿ ಇನ್ನಿತರರು ಉಪಸ್ಥಿತರಿದ್ದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com