ಶಿಕ್ಷಿತರಲ್ಲಿ ಗೋ ಪ್ರೀತಿ ಬೆಳೆಸುವ ಕಾರ್ಯವಾಗಬೇಕು

ಕೋಟೇಶ್ವರ: ಸಮಾಜದಲ್ಲಿ ಪ್ರತ್ಯಕ್ಷ ಹಾಗೂ ಪರೋಕ್ಷವಾಗಿ ಗೋವಧೆ ಸಂಖ್ಯೆ ಹೆಚ್ಚಾಗುತ್ತಿದೆ. ಗೋ ಸೇವೆ ಒಂದು ಕಾರ್ಯವಾದರೆ ಗೋ ಸಂರಕ್ಷಣೆ ಮತ್ತೊಂದು ಕೈಂಕರ್ಯ. ಅನಕ್ಷರತೆ ಇರುವವರಲ್ಲಿ ಗೋ ಪ್ರೀತಿಸುವವರ ಸಂಖ್ಯೆ ಜಾಸ್ತಿ ಇದ್ದು ಶಿಕ್ಷಿತರಲ್ಲಿ ಗೋ ಸಂತತಿಯ ಬಗ್ಗೆ ಪ್ರೀತಿ ಹುಟ್ಟುಹಾಕುವ ಕಾರ್ಯ ನಡೆಯಬೇಕು ಎಂದು ಕೋಟೇಶ್ವರ ಉದ್ಯಮಿ ಸುರೇಶ ಕಾಮತ್ ಹೇಳಿದರು. 

ಹೂವಿನಕೆರೆ ಕಾಮಧೇನು ಗೋಸಂರಕ್ಷಣಾ ಕೇಂದ್ರದ ವಠಾರದಲ್ಲಿ ಉಡುಪಿ ಸೋದೆ ವಾದಿರಾಜ ಮಠ, ಹೂವಿನಕೆರೆ ಕಾಮಧೇನು ಗೋ ಸಂರಕ್ಷಣಾ ಕೇಂದ್ರ ಮತ್ತು ಗೋಪಾಡಿ-ಹೂವಿನಕೆರೆ ಕಾಮಧೇನು ಗೋ ಸೇವಾ ಸಮಿತಿ ಸಂಯುಕ್ತ ಆಶ್ರಯದಲ್ಲಿ ಜರುಗಿದ ಗೋ ಪೂಜೆಯ ಪ್ರಯುಕ್ತ ಹಮ್ಮಿಕೊಂಡ ಜಿಲ್ಲಾ ಮಟ್ಟದ ಭಜನಾ ಸ್ಪರ್ಧೆ-ನಾಮಸಂಕೀರ್ತನೆ ಸಮಾರೋಪ ಸಮಾರಂಭದಲ್ಲಿ ಅವರು ಮಾತನಾಡಿದರು.

ಕಾಳಾವರ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಎ. ಚಂದ್ರಶೇಖರ ಶೆಟ್ಟಿಗಾರ್ ಅಧ್ಯಕ್ಷತೆ ವಹಿಸಿದ್ದರು. ಜಿಲ್ಲಾ ಪಂಚಾಯಿತಿ ಉಪಾಧ್ಯಕ್ಷ ಪ್ರಕಾಶ ಮೆಂಡನ್, ಬೀಜಾಡಿ ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷ ಸುರೇಶ ಶೆಟ್ಟಿ, ಕಟಪಾಡಿ ಎಸ್.ವಿ.ಎಸ್ ವಿದ್ಯಾವರ್ಧಕ ಸಂಘದ ಸಂಚಾಲಕ ಮಹೇಶ ಕಟಪಾಡಿ, ಗೋ ಪ್ರೇಮಿ ಪ್ರವೀಣ ಹೆಗ್ಡೆ ಉಪಸ್ಥಿತರಿದ್ದರು.ಶ್ರೀಪತಿ ಉಪಾಧ್ಯ ಸ್ವಾಗತಿಸಿದರು. ಜಗನ್ನಾಥ ಗೋಪಾಡಿ ಕಾರ್ಯಕ್ರಮ ನಿರ್ವಹಿಸಿದರು. ಗಿರೀಶ ಉಪಾಧ್ಯ ವಂದಿಸಿದರು. ಸ್ಪರ್ಧಾ ಫಲಿತಾಂಶ: ಮಕ್ಕಳ ವಿಭಾಗ: ಪ್ರಥಮ- ಕನ್ಯಾನಗುಡ್ಡೆಯಂಗಡಿ ಶಿವಶಂಕರ ಭಜನಾ ಮಂಡಳಿ, ದ್ವಿತೀಯ-ಗುಲ್ವಾಡಿ ವೀರಾಂಜನೇಯ ಭಜನಾ ಮಂಡಳಿ. ತತೀಯ-ಗಂಗೊಳ್ಳಿ ಬಸವೇಶ್ವರ ಭಜನಾ ಮಂಡಳಿ. ಮಹಿಳೆಯರ ವಿಭಾಗ: ಪ್ರಥಮ-ಕಾರ್ಕಳ ವೆಂಕಟರಮಣ ಮಹಿಳಾ ಭಜನಾ ಮಂಡಳಿ, ದ್ವಿತೀಯ-ಗುಂಡಿಬೈಲು ದುರ್ಗಾ ಮಹಿಳಾ ಭಜನಾ ಮಂಡಳಿ, ತತೀಯ-ಕಡಿಯಾಳಿ ಮಾತಮಂಡಳಿ. ಪುರುಷರ ವಿಭಾಗ: ಪ್ರಥಮ-ಬೀಜಾಡಿ ಶ್ರೀರಾಮ ಭಜನಾ ಮಂಡಳಿ, ದ್ವಿತೀಯ- ಗುಲ್ವಾಡಿ ವೀರಾಂಜನೇಯ ಭಜನಾ ಮಂಡಳಿ, ತತೀಯ-ಮೊವಾಡಿ ಮಾಣಿ ಸಿದ್ಧಲಿಂಗೇಶ್ವರ ಭಜನಾ ಮಂಡಳಿ.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com