ನ. 19: ರಾಜ್ಯಮಟ್ಟದ 35ನೇ ಕನ್ನಡ ನಾಟಕ ಸ್ಪರ್ಧೆ

ಉಡುಪಿ: ಉಡುಪಿಯ ಹವ್ಯಾಸಿ ನಾಟಕ ಸಂಸ್ಥೆ ರಂಗಭೂಮಿ ವತಿಯಿಂದ ನ. 19 ರಿಂದ ದಿ. ಡಾ. ಟಿ. ಎಂ. ಎ. ಪೈ, ದಿ. ಮಲ್ಪೆ ಮಧ್ವರಾಜ್ ಮತ್ತು ದಿ. ಎಸ್. ಎಲ್. ಭಟ್ ಸ್ಮಾರಕ ರಾಜ್ಯಮಟ್ಟದ 35ನೇ ಕನ್ನಡ ನಾಟಕ ಸ್ಪರ್ಧೆ ನಡೆಯಲಿದೆ. 
   ಕಾಸರಗೋಡು ಸಹಿತ ರಾಜ್ಯದ ಯಾವುದೇ ಪ್ರದೇಶದ ಯೋಗ್ಯ ಹವ್ಯಾಸಿ ನಾಟಕ ತಂಡಗಳು ಭಾಗವಹಿಸಲು ಅವಕಾಶವಿದ್ದು ಗರಿಷ್ಠ 15 ತಂಡಗಳನ್ನು ಸ್ಪರ್ಧೆಗೆ ಆಯ್ಕೆ ಮಾಡಲಾಗುವುದು. 
    ವಿಜೇತ ತಂಡಗಳಿಗೆ 25,000 ರೂ., 20,000 ರೂ., 15,000 ರೂ. ನಗದು ಸಹಿತ ಪರ್ಯಾಯ ಫಲಕ ನೀಡಲಾಗುವುದು. ಶ್ರೇಷ್ಠ ನಿರ್ದೇಶನಕ್ಕೆ 2,000 ರೂ., ಶ್ರೇಷ್ಠ ನಟ, ನಟಿ, ಸಂಗೀತ, ಬೆಳಕು, ಪ್ರಸಾದನ, ರಂಗ ಸಂಚಿಕೆ ಮತ್ತು ಬಾಲ ನಟನೆ/ಹಾಸ್ಯ ಪಾತ್ರಕ್ಕೆ ತಲಾ 1,000 ರೂ.(ಪ್ರ), 500 ರೂ. (ದ್ವಿ) ನಗದು ಬಹುಮಾನವಿದೆ. 
    ಭಾಗವಹಿಸುವ ತಂಡಗಳಿಗೆ 5,000 ರೂ. ಗೌರವ ಧನ ಮತ್ತು ಬಂದು ಹೋಗುವ ಒಟ್ಟು ದೂರಕ್ಕೆ ಕಿ. ಮೀ. ಗೆ 10ರೂ.(ಕನಿಷ್ಟ 1,500 ರೂ., ಗರಿಷ್ಠ 10,000ರೂ.) ಉಚಿತ ಊಟ, ವಸತಿ ಸೌಲಭ್ಯವಿದೆ. 
    ಸ್ಪರ್ಧೆಯಲ್ಲಿ ಭಾಗಹಿಸಲು ತಂಡಗಳು ಪ್ರವೇಶ ಪತ್ರಕ್ಕಾಗಿ ಪ್ರಧಾನ ಕಾರ್ಯದರ್ಶಿ, ರಂಗಭೂಮಿ, ದೊಡ್ಡಣಗುಡ್ಡೆ, ಉಡುಪಿ: 576102 ಈ ವಿಳಾಸವನ್ನು ಸಂಪರ್ಕಿಸಬೇಕು. ಪ್ರವೇಶ ಪತ್ರ ಸ್ವೀಕರಿಸಲು ಅ. 20 ಕೊನೆಯ ದಿನ.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com