ಭಾರತ ತಂಡವನ್ನು ಪ್ರತಿನಿಧಿಸುವ ಆಸೆ ಇದೆ: ರಿಶಾಂಕ್ ದೇವಾಡಿಗ

ಬೈಂದೂರು: ಕಬಡ್ಡಿಯಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸುವ ಆಸೆ ಇದೆ. ಇದಕ್ಕಾಗಿ ಕಠಿಣ ಪರಿಶ್ರಮ ನಡೆಸುತ್ತೇನೆ ಎಂದು ರಿಶಾಂಕ್ ದೇವಾಡಿಗ ಗಂಗೊಳ್ಳಿ ಹೇಳಿದರು. ಗಂಗೊಳ್ಳಿಯಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, 7-8 ವರ್ಷ ಪ್ರಾಯದಿಂದಲೇ ಕಬಡ್ಡಿ ಆಡಲು ಪ್ರಾರಂಭಿಸಿದೆ. ಬಳಿಕ ಶಾಲೆ ಕಾಲೇಜು ತಂಡಗಳನ್ನು ಪ್ರತಿನಿಧಿಸಿದ್ದೆ. ನಂತರ ದೇನಾ ಬ್ಯಾಂಕ್‌ನಿಂದ ಗುತ್ತಿಗೆ ಆಧಾರದಲ್ಲಿ ಕಬಡ್ಡಿ ತಂಡದ ಆಟಗಾರನಾಗಿ ವೃತ್ತಿ ಬದುಕನ್ನು ಪ್ರಾರಂಭಿಸಿದೆ. ಮಹಾರಾಷ್ಟ್ರ ತಂಡದ ಆಟಗಾರನಾಗಿ ನಾನು ಆ ರಾಜ್ಯದ ಪರ ಆಟವಾಡಿದೆ. ಬಳಿಕ ಏಷ್ಯನ್ ಗೇಮ್ಸ್‌ಗಾಗಿ ಇಂಡಿಯನ್ ಕ್ಯಾಂಪ್‌ನಲ್ಲಿ ಆಯ್ಕೆಗೊಂಡು ಇತ್ತೀಚಿಗೆ ನಡೆದ ಹರಾಜು ಪ್ರಕ್ರಿಯೆಯಲ್ಲಿ ಯು ಮುಂಬಾ ತಂಡದವರು ನನ್ನನ್ನು ಆಯ್ಕೆ ಮಾಡಿಕೊಂಡರು. ಕಳೆದ ನಾಲ್ಕು ವರ್ಷಗಳಿಂದ ಕಬಡ್ಡಿಯನ್ನು ವತ್ತಿ ಮಾಡಿಕೊಂಡಿದ್ದೇನೆ. ಪ್ರಸ್ತುತ ಭಾರತ್ ಪೆಟ್ರೋಲಿಯಂ ಸಂಸ್ಥೆಯಲ್ಲಿ ಕ್ರೀಡಾಪಟುವಾಗಿ ಕೆಲಸ ನಿರ್ವಹಿಸುತ್ತಿದ್ದೇನೆ. ನನ್ನ ಈ ಸಾಧನೆಗೆ ತಾಯಿ ಪಾರ್ವತಿ ದೇವಾಡಿಗ ಹಾಗೂ ಕುಟುಂಬ ಸದಸ್ಯರು ಎಲ್ಲ ರೀತಿಯ ಸಹಕಾರ ನೀಡುತ್ತಿದ್ದಾರೆ ಎಂದರು. 

ಯು ಮುಂಬಾ ತಂಡದಲ್ಲಿ ಎರಡು ವರ್ಷ ಗುತ್ತಿಗೆ ಆಧಾರದಲ್ಲಿ ಆಡಬೇಕಾಗಿದೆ. ಮುಂದಿನ ಋತುವಿನಲ್ಲಿ ಕರ್ನಾಟಕ ತಂಡವನ್ನು ಪ್ರತಿನಿಧಿಸುವ ಆಸೆ ಹೊಂದಿದ್ದೇನೆ. ಕಿಕ್ರೆಟ್‌ನಂತೆ ಕಬಡ್ಡಿ ಕೂಡ ಮುಂದಿನ ದಿನಗಳಲ್ಲಿ ಉತ್ತಮ ಬೆಳವಣಿಗೆ ಕಾಣಲಿದೆ. ಕ್ರಿಕೆಟ್‌ನಂತೆ ಗಲ್ಲಿಗಲ್ಲಿಗಳಲ್ಲಿ ಕಬಡ್ಡಿ ಪ್ರಾರಂಭವಾಗಿದೆ. ಕಬಡಿ ಆಟ ಆಡುವ ಆಟಗಾರರ ಸಂಖ್ಯೆ ಬಹಳಷ್ಟು ಕಡಿಮೆುದ್ದು, ಕಬ್ಬಡಿ ಆಟಗಾರರಿಗೆ ದೇಶದಲ್ಲಿ ಉತ್ತಮ ಭ''ಷ್ಯ''ದೆ. ದೇಶಿಯ ಕ್ರೀಡೆಯೊಂದಕ್ಕೆ ''ಶಿಷ್ಠ ರೂಪು ನೀಡಿ ಕ್ರಿಕೆಟ್ ಒಂದೇ ಕ್ರೀಡೆ ಎನ್ನುವ ಮನೋಭಾವವನ್ನು ತೊಡೆದು ಹಾಕಿದ ಪ್ರೊ ಕಬಡ್ಡಿ ಲೀಗ್‌ನ ಪ್ರಾರಂಭದಿಂದ ರೋಚಕ ಕುತೂಹಲ ಮೂಡಿಸುತ್ತ ಮನೆ ಮಂದಿಯೆಲ್ಲಾ ಕುಳಿತು ನೋಡುವ ಕ್ರೀಡೆಯಾಗಿ ಜನಪ್ರಿಯಗೊಂಡಿತು ಎಂದು ಹೇಳಿದ ಅವರು, ಯುವ ಕ್ರೀಡಾಪಟುಗಳು ಕಬ್ಬಡಿಯತ್ತ ಹೆಚ್ಚಿನ ಗಮನ ಕೇಂದ್ರಿಕರಿಸಿ ಹೆಚ್ಚು ಹೆಚ್ಚು ಕಬ್ಬಡಿ ಆಟ ಆಡಬೇಕು. ನಮ್ಮ ದೇಶದಲ್ಲಿ ಈ ಕ್ರೀಡೆಗೆ ಉಜ್ವಲ ಅವಕಾಶ ಇದ್ದು, ಇದರ ಪ್ರಯೋಜನವನ್ನು ಎಲ್ಲರೂ ಪಡೆದುಕೊಳ್ಳುವಂತಾ ಗಬೇಕು ಎಂದರು. ಪಾರ್ವತಿ ದೇವಾಡಿಗ ಹಾಗೂ ಕುಟುಂಬ ಸದಸ್ಯರು ಉಪಸ್ಥಿತರಿದ್ದರು. 

ಕೊಲ್ಲೂರಿಗೆ ಭೇಟಿ: ಪ್ರೊ ಕಬಡ್ಡಿ ಲೀಗ್ ಯೂ ಮುಂಬೈ ತಂಡದ ಆಲ್‌ರೌಂಡರ್ ಆಟಗಾರ ರಿಶಾಂಕ್ ದೇವಾಡಿಗ ಬುಧವಾರ ಕೊಲ್ಲೂರು ಶ್ರೀ ಮೂಕಾಂಬಿಕಾ ದೇವಸ್ಥಾನಕ್ಕೆ ಭೇಟಿ ನೀಡಿ ವಿಶೇಷ ಪೂಜೆ ಸಲ್ಲಿಸಿದರು. ದೇವಳದ ಕಾರ್ಯನಿರ್ವಹಣಾಧಿಕಾರಿ ಎಲ್.ಎಸ್. ಮಾರುತಿ ಗೌರವಿಸಿದರು. ದೇವಳದ ಅಧೀಕ್ಷಕ ರಾಮಕೃಷ್ಣ ಅಡಿಗ ಇದ್ದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com