ಪ್ರಾಣಿ ಹಿಂಸೆಯ ಹೆಸರಲ್ಲಿ ಕಂಬಳ ನಿಷೇಧ ಸರಿಯಲ್ಲ

ಉಡುಪಿ: ಪ್ರಾಣಿಗಳನ್ನು ಕ್ರೀಡೆ, ಮನರಂಜನೆ ಉದ್ದೇಶಕ್ಕಾಗಿ ಬಳಸಿ ಹಿಂಸಿಸದಂತೆ ಸುಪ್ರೀಂ ಕೋರ್ಟ್ ನೀಡಿದ ಆದೇಶ ಸ್ವಾಗತಾರ್ಹ ಎಂದು ರಾಜ್ಯ ರೈತ ಸಂಘ ಹೇಳಿದೆ. ಆದರೆ ಭಾರತೀಯ ಪ್ರಾಣಿ ಹಿತರಕ್ಷಣಾ ಮಂಡಳಿಯ ಸೂಚನೆಯಂತೆ ಪಶು ಸಂಗೋಪನಾ ಇಲಾಖೆ ಬರಿಯ ಕಂಬಳವನ್ನಷ್ಟೇ ನಿಷೇಧಿಸಲು ಮುಂದಾಗಿದ್ದು ಖಂಡನೀಯ ಎಂದು ಸಂಘದ ರಾಜ್ಯ ಉಪಾಧ್ಯಕ್ಷ ವಿಜಯ ಕುಮಾರ್  ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ಕಂಬಳ ಗದ್ದೆ ಉಳುಮೆ ಮತ್ತು ಹದ ಮಾಡುವುದು, ಮುಂದಿನ ಪೀಳಿಗೆಗೆ ಕೃಷಿ ಬಗ್ಗೆ ಆಸಕ್ತಿ ಮೂಡಿಸುವುದು, ಕೋಣಗಳನ್ನು ಪಳಗಿಸುವುದು, ರೈತರ ಐಕ್ಯತೆ ಸಹಿತವಾದ ಕಂಬಳವನ್ನು ಕ್ರೀಡೆಗಾಗಿ ಹಿಂಸೆ ಎಂದು ಬಿಂಬಿಸುವುದು ಸರಿಯಲ್ಲ. 

ಕಂಬಳ ನಿಂತರೆ ಕೃಷಿ ಚಟುವಟಿಕೆ ಸರ್ವನಾಶವಾಗಲಿದೆ. ಪರ ದೇಶಗಳಂತೆ ರೈತರಿಗೆ ಯಾವುದೇ ಸೌಲಭ್ಯವನ್ನು ಸರಕಾರ ಕೊಡುತ್ತಿಲ್ಲ. ಕಂಬಳಕ್ಕೆ ಕೋಣ ಬಳಸುವುದು ಹಿಂಸೆಯಾದರೆ ಕುದುರೆ ಜೂಜಿನ ಹಿಂಸೆ, ಆನೆ ಕಿವಿಗೆ ಅಂಕುಶ, ಸರ್ಕಸ್‌ನಲ್ಲಿ ಪ್ರಾಣಿಗಳಿಗೆ ಹಿಂಸೆ ನೀಡುವುದು ನ್ಯಾಯವೇ ಎಂದು ಹೆಗ್ಡೆ ಪ್ರಶ್ನಿಸಿದ್ದಾರೆ.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com