ಮಾನಸಿಕ ಅಸ್ವಸ್ಥ ವಿಶ್ವಾಸದ ಮನೆಗೆ ಸೇರ್ಪಡೆ

ಉಡುಪಿ: ಮರವಂತೆ ಬಸ್ ನಿಲ್ದಾಣದ ಬಳಿ ಮೂರು ದಿನಗಳಿಂದ ಆಶ್ರಯವಿಲ್ಲದೆ ಅಲೆ ದಾಡುತ್ತಿದ್ದ ಸುಮಾರು 40 ವರ್ಷ ಪ್ರಾಯದ ಮಾನಸಿಕ ಅಸ್ವಸ್ಥನನ್ನು ಸಾರ್ವಜನಿಕರ ಸಹಕಾರದಿಂದ ಉಡುಪಿ ಶಂಕರಪುರದ ವಿಶ್ವಾಸದ ಮನೆಗೆ ಸೇರಿಸಲಾಗಿದೆ. 

ನವಭಾರತ ನಿರ್ಮಾಣ ವೇದಿಕೆಯ ತಾಲೂಕು ಸಮಿತಿಯ ರಾಘವೇಂದ್ರ ಹರ್ಕಾಡಿ, ಪ್ರದೀಪ್ ಕುಮಾರ್ ಬಸ್ರೂರು, ಶೇಖರ್, ದಿನೇಶ್, ಕಿಟ್ಟಯ್ಯ, ಮುಳ್ಳಿಕಟ್ಟಿ ಮಂಜುನಾಥ್, ಪ್ರಸನ್ನ ಅವರುಗಳು ಮರವಂತೆ ಬಸ್ ನಿಲ್ದಾಣ ಬಳಿ ಇದ್ದ ಈ ಅನಾಥ ಮಾನಸಿಕ ಅಸ್ವಸ್ಥನನ್ನು ಶುಕ್ರವಾರ ವಿಶ್ವಾಸದಮನೆಗೆ ಸೇರಿಸಿದರು. 

ಈ ಮಾನಸಿಕ ಅಸ್ವಸ್ಥ ಮಾತನಾಡದೆ ಬರೀ ಕೈಸನ್ನೆ ಮಾಡುತ್ತಿದ್ದಾರೆ. ನೋಡುವುದಕ್ಕೆ ಕೇರಳಿಗನಂತಿದ್ದಾರೆ. ತಲೆ ಕೂದಲು, ಗಡ್ಡ ಬೆಳೆಸಿಕೊಂಡಿದ್ದಾರೆ. ಚೀಲದಲ್ಲಿ ಪೇಸ್ಟ್, ಬ್ರೆಶ್, ಬಾಚಣಿಗೆ, ಚಪ್ಪಲಿ, ನೀರಿನ ಬಾಟಲಿ, ಗಾಜಿನ ಚೂರು, ಚಮಚ, ಲೋಟ, ವಾಚ್ ತುಂಬಿಸಿಕೊಂಡಿದ್ದರು. ವಿಶ್ವಾಸದ ಮನೆಯ ಸಿಬ್ಬಂದಿಗಳು ಅವರನ್ನು ಶುಚಿಗೊಳಿಸಿದ ನಂತರ ವೈದ್ಯರು ಪರೀಕ್ಷಿಸಿ ಮಾನಸಿಕ ಅಸ್ವಸ್ಥರೆಂದು ದೃಢಪಡಿಸಿ ಚಿಕಿತ್ಸೆ ಆರಂಭಿಸಿದ್ದಾರೆ. 

ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com