ಬೈಂದೂರು ಬಾಡಾ ಪ್ರಾಚೀನ ವಿಗ್ರಹಗಳು ಪತ್ತೆ

ಬೈಂದೂರು: ಇಲ್ಲಿನ ಬಾಡಾ ಗ್ರಾಮದ ರಕ್ತೇಶ್ವರಿ ದೇವಿ ಸನ್ನಿಧಿಯ ಪುನರ್‌ನಿರ್ಮಾಣಕ್ಕೆ ಚಾಲನೆ ನೀಡಲಾಗಿದ್ದು ತಳಪಾಯಕ್ಕೆಂದು ಮಣ್ಣು ಅಗೆತ ಮಾಡುವ ಸಂದರ್ಭ ಅತ್ಯರೂಪದ ಆಕರ್ಷಕ ಹಿತ್ತಾಳೆ, ಮಣ್ಣಿನ ವಿಗ್ರಹ, ಮಣ್ಣಿನ ಪೂಜಾ ಸಾಮಾಗ್ರಿಗಳು ಲಭ್ಯವಾಗಿದ್ದು ಭಕ್ತರು, ಸ್ಥಳೀಯರ ಕುತೂಹಲಕ್ಕೆ ಕಾರಣವಾಗಿದೆ. 

ಬಹಳ ಕಾಲದಿಂದಲೂ ಇಲ್ಲಿ ರಕ್ತೇಶ್ವರಿ ದೇವಿಯ ಸಾನ್ನಿಧ್ಯವಿದೆ ಎಂದು ನಂಬಿಕೊಂಡಿರುವ ಭಕ್ತರು ಶಿಲೆಗೆ ಪೂಜೆ ಸಲ್ಲಿಸುತ್ತಿದ್ದರು. ದೇಗುಲ ಇದ್ದಿರಲಿಲ್ಲ. ಗ್ರಾಮೀಣ ಜನರು ಕಲ್ಲಿನಲ್ಲಿ ದೇವಿಯ ಇರುವಿಕೆ ಕಂಡುಕೊಂಡು ಬಂದವರು. ಇತ್ತೀಚೆಗೆ ಸಾನ್ನಿಧ್ಯ ಅಭಿವದ್ಧಿಗಾಗಿ ಆರೂಢ ಪ್ರಶ್ನೆ ಇರಿಸಲಾಗಿತ್ತು. ಪ್ರಶ್ನೆಯಲ್ಲಿ ಕಂಡುಬಂದಂತೆ ದೇಗುಲ ಆಗಬೇಕೆಂಬ ಚಿಂತನೆ ಮೂಡಿದ್ದು ಅದರಂತೆ ಭಕ್ತರು ದೇಗುಲ ನಿರ್ಮಾಣ ಕಾರ್ಯಕ್ಕೆ ಸೋಮವಾರ ಚಾಲನೆ ನೀಡಿದ್ದರು. ಹಿಂದೆ ಆರಾಧನೆ ಮಾಡುತ್ತಿದ್ದ ಶಿಲೆಯ ಅಡಿಭಾಗದಲ್ಲಿ ಅಗೆತ ಮಾಡುವ ವೇಳೆ(ಸರಿಸುಮಾರು 4 ಅಡಿ ಆಳದಲ್ಲಿ) ಅಪೂರ್ವ ವಿಗ್ರಹಗಳು ಗೋಚರಿಸಿವೆ. ಇನ್ನಷ್ಟು ಅಗೆತ ಮಾಡುವಾಗ ಪ್ರಭಾವತಿ ಸಹಿತ ಇರುವ ದೇವಿಯ ವಿಗ್ರಹ, ಪರಿವಾರ ದೇವರ ವಿಗ್ರಹ, ಮಣ್ಣಿನ ಪೂಜಾ ಸಾಮಾಗ್ರಿಗಳು ದೊರೆತಿವೆ. 

ಅಚ್ಚರಿಗೆ ಒಳಗಾಗಿರುವ ಗ್ರಾಮಸ್ಥರು, ಭಕ್ತರು ಎಲ್ಲಾ ಪ್ರಾಚೀನ ವಿಗ್ರಹಗಳನ್ನು ಮೇಲಕ್ಕೆತ್ತಿದ್ದಾರೆ. ವಿಗ್ರಹ ಯಾವ ಕಾಲಕ್ಕೆ ಸೇರಿದ್ದು ಎಂಬ ಬಗ್ಗೆ ತಜ್ಞರಿಂದ ಮಾಹಿತಿ ಪಡೆಯಲಾಗುವುದು ಎಂದು ದೇವಳದ ಪ್ರಮುಖರು ತಿಳಿಸಿದ್ದಾರೆ. 
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com