ಡಿ.19-21: ಬಿ. ವಿ. ಕಾರಂತ ರಾಷ್ಟ್ರೀಯ ನಾಟಕೋತ್ಸವ

ಉಡುಪಿ: ಬಿ. ವಿ. ಕಾರಂತ ರಂಗ ನಮನ ರಾಷ್ಟ್ರೀಯ ನಾಟಕೋತ್ಸವವು ಡಿ. 19, 20, 21 ರಂದು ಉಡುಪಿ ಎಂಜಿಎಂ ಕಾಲೇಜಿನ ಮುದ್ದಣ ಮಂಟಪದಲ್ಲಿ ನಡೆಯಲಿದೆ. 

ಡಿ. 19, ಸಂಜೆ 6 ಗಂಟೆಗೆ ನಾಟಕಕಾರ ಪ್ರಸನ್ನ ನಾಟಕೋತ್ಸವ ಉದ್ಘಾಟಿಸುವರು. ಡಾ. ಹೆಚ್. ಶಾಂತಾರಾಮ್, ಪ್ರೊ. ಕುಸುಮಾ ಕಾಮತ್ ಹಾಗೂ ಕೃಷ್ಣ ಕಾರಂತ ಮುಖ್ಯ ಅತಿಥಿಗಳಾಗಿದ್ದಾರೆ. 

ಸಂಜೆ 7 ಗಂಟೆಗೆ ಹೆಗ್ಗೋಡಿನ ನೀನಾಸಂ ವತಿಯಿಂದ ಚಿರಕುಮಾರ ಸಭಾ, ಡಿ. 20, ಸಂಜೆ 7 ಗಂಟೆಗೆ ತ್ರಿವೆಂಡ್ರಂನ ಸೋಪಾನಮ್ ವತಿಯಿಂದ ಪ್ರತಿಮಾ(ಸಂಸ್ಕೃತ) ಹಾಗೂ ಡಿ. 21, ಸಂಜೆ 7 ಕ್ಕೆ ಮುಂಬಯಿಯ ರಂಗ ಶಿಲಾ ವತಿಯಿಂದ ನೌಟಂಕಿ ಶೈಲಿಯ ದಿ ಗ್ರೇಟ್ ರಾಜಾ ಮಾಸ್ತರ್ ಡ್ರಾಮಾ ಕಂಪನಿ(ಹಿಂದಿ) ನಾಟಕ ಪ್ರದರ್ಶನವಿದೆ. 

ಡಿ. 21, ಬೆಳಗ್ಗೆ 10ರಿಂದ ಬಿ. ವಿ. ಕಾರಂತರ ಕುರಿತ ವಿಚಾರ ಸಂಕಿರಣದಲ್ಲಿ ಪ್ರೊ. ಮುರಳೀಧರ ಉಪಾಧ್ಯ, ಗುರುರಾಜ ಮಾರ್ಪಳ್ಳಿ, ಬಿ. ಆರ್‌. ವೆಂಕಟರಮಣ ಐತಾಳ್, ಚಿದಂಬರ ರಾವ್ ಜಂಬೆ, ಬಿ. ವಿ. ರಾಜಾರಾಂ, ಕೆ. ಜಿ. ಕೃಷ್ಣಮೂರ್ತಿ ಮುಖ್ಯ ಅತಿಥಿಗಳಾಗಿದ್ದಾರೆ. 

ಶೈಲಶ್ರೀ ಮತ್ತು ಚಂದ್ರಶೇಖರ್ ಹೆಗ್ಗೋಠಾರ ಬಳಗದಿಂದ ಪು. ತಿ. ನ. ಅವರ ಗೋಕಲ ನಿರ್ಗಮನದ ರಂಗ ಗೀತೆ ಗಾಯನವಿದೆ. ಸಮಾರೋಪವು ಸಂಜೆ 6 ಗಂಟೆಗೆ ಚಿಂತಕ ಲಕ್ಷ್ಮೀಶ ತೋಳ್ಪಾಡಿ ಪ್ರೊ. ಹೇರಂಜೆ ಕೃಷ್ಣ ಭಟ್ ಉಪಸ್ಥಿತಿಯಲ್ಲಿ ನಡೆಯಲಿದೆ. ಪ್ರತಿ ದಿನ ಬಿ. ವಿ. ಕಾರಂತರ ಭಾವಚಿತ್ರ ಮತ್ತು ನಾಟಗಳ ಭಿತ್ತಿ ಚಿತ್ರ ಪ್ರದರ್ಶನವಿದೆ.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com