ತಾ. ಪಂ. ಅಧಿಕಾರ ವ್ಯಾಪ್ತಿಯ ಬಗ್ಗೆ ಸಚಿವರ ಹೇಳಿಕೆಗೆ ಆಕ್ಷೇಪ

ಸಿದ್ಧಾಪುರ: ವಾರಾಹಿ ನೀರಾವರಿ ನಿಗಮ ಸ್ವಾಯತ್ತೆ ಹೊಂದಿರುವ ಸಂಸ್ಥೆ. ತಾಲೂಕು ಪಂಚಾಯಿತಿ ವ್ಯಾಪ್ತಿಯಲ್ಲಿ ಇದರ ಬಗ್ಗೆ ಚರ್ಚಿಸಬೇಕೆಂದೇನೂ ಇಲ್ಲ. ಉತ್ತರ ನೀಡಲು ವಾರಾಹಿ ಅಧಿಕಾರಿಗಳು ಬರಬೇಕೆಂದೇನೂ ಇಲ್ಲ ಎಂದು ನೀರಾವರಿ ಸಚಿವ ಎಂ.ಬಿ.ಪಾಟೀಲ್ ಶುಕ್ರವಾರ ಹೊಸಂಗಡಿಯಲ್ಲಿ ಜರುಗಿದ ವಾರಾಹಿ ನೀರಾವರಿ ಯೋಜನೆ ಶೀಘ್ರ ಅನುಷ್ಠಾನ ಕುರಿತ ಸಮಾಲೋಚನಾ ಸಭೆಯಲ್ಲಿ ನೀಡಿದ ಪ್ರತಿಕ್ರಿಯೆ ಆಕ್ಷೇಪಕ್ಕೆ ಕಾರಣವಾಯಿತು. 

ತಾಲೂಕು ಪಂಚಾಯಿತಿ ಸದಸ್ಯ ನವೀನ್‌ಚಂದ್ರ ಶೆಟ್ಟಿಯವರ ಪ್ರಸ್ತಾಪಕ್ಕೆ ಸಚಿವರು ಈ ರೀತಿ ಹೇಳಿಕೆ ನೀಡುತ್ತಿದ್ದಂತೆ ತಾಲೂಕು ಪಂಚಾಯಿತಿ ಅಧ್ಯಕ್ಷ ಭಾಸ್ಕರ ಬಿಲ್ಲವ ಎದ್ದು ನಿಂತು, 'ಸರ್, ಪಂಚಾಯಿತಿರಾಜ್ ಕಾಯಿದೆ 143ರ ಪ್ರಕಾರ ತಾಲೂಕು ಪಂಚಾಯಿತಿ ವಿಚಾರ ಅರಿತುಕೊಳ್ಳಲು ಯಾವುದೇ ಮಟ್ಟದ ಅಧಿಕಾರಿಯನ್ನು ಕರೆಸುವ ಅಧಿಕಾರ ಹೊಂದಿದೆ. ತಾವು ಈ ರೀತಿ ಹೇಳಿದರೆ ಪಂಚಾಯಿತಿರಾಜ್ ಕಾಯಿದೆಗೆ ಮಾಡಿದ ಅವಮಾನ ಆಗುತ್ತದೆ' ಎಂದರು. ಮಾಜಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ, ವಿಧಾನಪರಿಷತ್ ಸದಸ್ಯ ಕೆ.ಪ್ರತಾಪಚಂದ್ರ ಶೆಟ್ಟಿ, ತಾ.ಪಂ.ಸದಸ್ಯ ಕೆದೂರು ಸದಾನಂದ ಶೆಟ್ಟಿ ಇದಕ್ಕೆ ಧ್ವನಿಗೂಡಿಸಿದರು. 

ಕೊಂಚ ಹೊತ್ತು ಮೌನ ವಹಿಸಿದ ನೀರಾವರಿ ಸಚಿವ ಎಂ.ಬಿ.ಪಾಟೀಲ್ ಬಳಿಕ ಮಾತನಾಡಿ, ವಿಶೇಷ ಸಂದರ್ಭಗಳಲ್ಲಿ ಮಾಹಿತಿ ಪಡೆಯಲು ಕರೆಸಿಕೊಳ್ಳುವುದರ ಬಗ್ಗೆ ನನ್ನ ತಕರಾರು ಇಲ್ಲ. ಸುಖಾಸುಮ್ಮನೆ ಸಣ್ಣ ವಿಚಾರ ಮುಂದಿಟ್ಟುಕೊಂಡು ವಿವಾದ ಸಷ್ಟಿಸುವುದು ತರವಲ್ಲ ಎಂಬ ದೃಷ್ಟಿಯಿಂದ ವಿಚಾರ ಮಂಡಿಸಿದ್ದೇನೆ ಎಂದರು. ಅಲ್ಲಿಗೆ ವಿಚಾರದ ಕುರಿತಾದ ವಿವಾದ ತಣ್ಣಗಾಯಿತು. 
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com