ಜಿಎಸ್‌ಬಿ ಪಾಂಚಜನ್ಯ ಗೃಹ: ಕೀಲಿ ಕೈ ಹಸ್ತಾಂತರ

ಸಾಸ್ತಾನ: ಜಿಎಸ್‌ಬಿ ಸಮಾಜ ಹಿತರಕ್ಷಣಾ ವೇದಿಕೆಯ ಜಿಎಸ್‌ಬಿ ಗೃಹ ನಿರ್ಮಾಣ ಯೋಜನೆಯ ಪ್ರಥಮ ಗೃಹದ ಕೀಲಿ ಕೈ ಹಸ್ತಾಂತರ ಸಮಾರಂಭ ಸಾಸ್ತಾನದಲ್ಲಿ ನಡೆಯಿತು. 

ಸಾಸ್ತಾನ ಕೋಡಿ ರಸ್ತೆಯಲ್ಲಿರುವ ಉಮಾನಾಥ ಪೈ ಸಹೋದರರಿಗೆ ನಿರ್ಮಾಣ ಮಾಡಿದ ನೂತನ ಮನೆ ಪಾಂಚಜನ್ಯ ಪ್ರಥ ಕೀಲಿ ಕೈಯನ್ನು ಮುಂಬಯಿಯ ಉದ್ಯಮಿ ಹಾಗೂ ಆರ್ಥಿಕ ತಜ್ಞ ಸಂದೀಪ್ ಶೆಣೈ ಹಸ್ತಾಂತರ ಮಾಡಿದರು.

ಜಿಎಸ್‌ಬಿ ಸಮಾಜದ ಅರ್ಹ ಅಶಕ್ತ ಕುಟುಂಬಗಳಿಗೆ ಬದುಕಿನ ಆಸರೆಯಾಗಿ ನಿರ್ಮಾಣ ಮಾಡಿದ ನೂತನ ಗಹ 'ಪಾಂಚಜನ್ಯ' ಆರ್ಥಿಕ ದುರ್ಬಲ ಕುಟುಂಬಗಳಿಗೆ ಭರವಸೆಯ ಆಶಾಕಿರಣವಾಗಿದೆ. ಮುಂದಿನ 4 ಮನೆಗಳ ನಿರ್ಮಾಣ ಕಾರ್ಯ ಶೀಘ್ರವಾಗಿ ನೆರವೇರಲೆಂದು ಶುಭಹಾರೈಸಿದರು. ಈ ಸಂದರ್ಭ ಹಾಂಗ್ಯೋ ಐಸ್‌ಕ್ರೀಂನ ಆಡಳಿತ ನಿರ್ದೇಶಕ ಪ್ರದೀಪ್ ಜಿ. ಪೈ, ಯುವ ಉದ್ಯಮಿ ಪಾಂಗಾಳ ವಿಲಾಸ್ ನಾಯಕ್, ಕೋಡಿಯಾಲ್ ಖಬರ್ ಸಂಪಾದಕ ಎಂ.ವೆಂಕಟೇಶ್ ಬಾಳಿಗಾ ಉಪಸ್ಥಿತರಿದ್ದರು. 

ಈ ಸಂದರ್ಭ ಪ್ರಥಮ ಜಿಎಸ್‌ಬಿ ಮನೆಯ ನಿರ್ಮಾಣ ಕಾರ್ಯದ ನೇತತ್ವ ವಹಿಸಿದ ಚೇಂಪಿ ದಯಾನಂದ ಶ್ಯಾನುಭೋಗ್ ಅವರನ್ನು ಗೌರವಿಸಲಾಯಿತು. ಹಿತರಕ್ಷಣಾ ವೇದಿಕೆ ಪದಾಧಿಕಾರಿಗಳಾದ ವೆಂಕಟರಮಣ ಭಂಡಾರ್‌ಕಾರ್, ದೀಪಕ್ ಕಾಮತ್ ಕಾಂಜರ್‌ಕಟ್ಟೆ, ವಿದ್ಯಾನಂದ ಶರ್ಮ, ಭಾಸ್ಕರ್ ಕಿಣಿ, ಅನಂತ ಪೈ, ವಿನೋದ್ ಕಾಮತ್, ವಿಠಲ್ ಪೈ, ವಾಣಿ ಮಲ್ಯ, ಕಲ್ಪನಾ ಪೈ, ರೂಪಾ ಶೆಣೈ ಉಪಸ್ಥಿತರಿದ್ದರು. 

ಹಿತರಕ್ಷಣಾ ವೇದಿಕೆ ಅಧ್ಯಕ್ಷ ಜಿ. ಸತೀಶ್ ಹೆಗ್ಡೆ ಸ್ವಾಗತಿಸಿದರು. ಸಂಚಾಲಕ ಆರ್. ವಿವೇಕಾನಂದ ಶೆಣೈ ಪ್ರಾಸ್ತಾವಿಕವಾಗಿ ಮಾತನಾಡಿ ಹಿತರಕ್ಷಣಾ ವೇದಿಕೆಯ ಮುಂದಿನ ಸಮಾಜ ಮುಖಿ ಯೋಜನೆಗಳ ಬಗ್ಗೆ ಮಾಹಿತಿ ನೀಡಿದರು. 

ಪ್ರಧಾನ ಕಾರ್ಯದರ್ಶಿ ಸಾಣೂರು ನರಸಿಂಹ ಕಾಮತ್ ಕಾರ್ಯಕ್ರಮ ನಿರೂಪಿಸಿದರು. ಚೇಂಪಿ ಹರೀಶ್ ನಾಯಕ್ ವಂದಿಸಿದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com